ಮಾಳ ಕಾಲಕಾಮ ಪರಶುರಾಮ ದೇವಸ್ಥಾನದಲ್ಲಿ ಲಕ್ಷ ದೀಪೋತ್ಸವ ಧಾರ್ಮಿಕ ಸಭಾ ಕಾರ್ಯಕ್ರಮ

ಕಾರ್ಕಳ ತಾಲೂಕಿನ ಮಾಳ ಗ್ರಾಮದ ಶ್ರೀ ಪರಶುರಾಮ ದೇವಸ್ಥಾನದ ಲಕ್ಷ ದೀಪೋತ್ಸವದ ಅಂಗವಾಗಿ ಧಾರ್ಮಿಕ ಸಭೆ ಮತ್ತು ಗೌರವಾರ್ಪಣಾ ಕಾರ್ಯಕ್ರಮ ನಡೆಯಿತು
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ದೇವಳದ ಆಡಳಿತ ಮಂಡಳಿಯ ಅಧ್ಯಕ್ಷರಾದ ಶ್ರೀ ಸುಧಾಕರ ಡೋಂಗ್ರೆ ಇವರು ವಹಿಸಿದ್ದರು
ಮುಖ್ಯ ಅತಿಥಿಗಳಾಗಿ ಆಗಮಿಸಿದ ರಾಜ್ಯ ಪ್ರಶಸ್ತಿ ಪುರಸ್ಕೃತ ಗಣಿತ ಶಿಕ್ಷಕ ರಾಮಕುಂಜೇಶ್ವರ ಪ್ರೌಢಶಾಲೆಯ ಮುಖ್ಯ ಶಿಕ್ಷಕರಾದ ಶ್ರೀ ಸತೀಶ್ ಭಟ್ ಮರಾಠೆ ಇವರು ಗೌರವ ಪುರಸ್ಕಾರವನ್ನು ಸ್ವೀಕರಿಸಿ ಮಾತನಾಡಿ ಇಂದಿನ ಶೈಕ್ಷಣಿಕ ಬದಲಾವಣೆಗಳಲ್ಲಿ ಹೊಸ ಚಿಂತನೆಯ ಅಗತ್ಯವಿದೆ ಅದಕ್ಕಾಗಿ ಹೊಸ ಪ್ರಯೋಗಗಳನ್ನು ನಾವೆಲ್ಲರೂ ಸೇರಿ ಮಾಡಬೇಕಾಗಿದೆ ಎಂದರು. ಇನ್ನೋರ್ವ ಮುಖ್ಯ ಅತಿಥಿ ದಾನಿಗಳಾದ ರಾಷ್ಟ್ರ ಪ್ರಶಸ್ತಿ ಪುರಸ್ಕೃತ ಶಿಕ್ಷಕ ಶ್ರೀ ನಾಗಭೂಷಣ ಜೋಶಿ ಇವರನ್ನು ಈ ಸಂದರ್ಭದಲ್ಲಿ ಗೌರವಿಸಲಾಯಿತು. ಇತ್ತೀಚೆಗೆ ನಿವೃತ್ತರಾದ ಮತ್ತು ಸಮಾಜದ ವಿವಿಧ ಕ್ಷೇತ್ರಗಳಲ್ಲಿ ಸಾಧನೆ ಮಾಡಿದ ಸಾಧಕರಾದ ಶ್ರೀ ಶಶಿಧರ ವೆಲನ್ಕರ್ (ಶಿಲ್ಪಕಲೆ) ಶ್ರೀ ರಾಮನಾಥ ಮೆಹೆಂದಳೆ (ಕೃಷಿ) ಶ್ರೀಮತಿ ಅಂಜಲಿ ಮರಾಠೆ ಮತ್ತು ಶ್ರೀಮತಿ ಆಶಾ ಮರಾಠೆ (ಶಿಕ್ಷಣ) ಶ್ರೀ ಸೂರ್ಯನಾರಾಯಣ ಕರ್ಮರ್ಕರ್ (ಹಾಲು ಸೊಸೈಟಿ)
ಶ್ರೀ ಗಜಾನನ ಮರಾಠೆ (ಶಿಕ್ಷಣ ರಾಜ್ಯ ಪ್ರಶಸ್ತಿ) ಇವರನ್ನು ಈ ಸಂದರ್ಭದಲ್ಲಿ ಗೌರವಿಸಲಾಯಿತು ನಮ್ಮೂರಿನ ಹಿರಿಯ ವಿದ್ವಾಂಸ ಶ್ರೀ ಪ್ರಭಾಕರ ಜೋಶಿ ಅವರು ಪುರಸ್ಕೃತರಿಗೆ ಶುಭಾಶಯಗಳನ್ನು ಹೇಳಿ ಅವರ ಸಾಧನೆಗಳ ಮಾಹಿತಿಯನ್ನು ನೀಡಿ ಹಳೆಯ ದೀಪೋತ್ಸವ ಕಾರ್ಯಕ್ರಮ ಗಳ ನೆನಪುಗಳನ್ನು ಮೆಲುಕು ಹಾಕಿದರು. ಆಡಳಿತ ಮಂಡಳಿಯ ಸದಸ್ಯರಾದ ಶ್ರೀ ಅಶೋಕ ಬರ್ವೆ ಇವರು ಸಭಾಭವನದ ಕಾಮಗಾರಿಗಳ ಬಗ್ಗೆ ಹಾಗೂ ದೇವಸ್ಥಾನದ ಕಾರ್ಯ ಚಟುವಟಿಕೆಗಳ ಬಗ್ಗೆ ವಿಸ್ತೃತವಾದ ವರದಿಯನ್ನು ವಾಚಿಸಿದರು ದೇವಸ್ಥಾನದ ಚಟುವಟಿಕೆಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡ ಕಳೆದ ವರ್ಷ ನಮ್ಮನ್ನಗಲಿದ
ದಿವಂಗತ, ಗೋವಿಂದ ಮರಾಠೆ ಆಕಾಶೆ,ಪದ್ಮಾವತಿ ನಾರಾಯಣ ಡೋಂಗ್ರೆ, ಗೋವಿಂದ ಶಾಸ್ತ್ರಿ, ಪದ್ಮನಾಭ ಡೋಂಗ್ರೆ, ಸಿ.ರಾಮಚಂದ್ರ ಚಿಪ್ಳೂಣ್ಕರ್, ವಿಶಾಲಾಕ್ಷಿ ಹರಿಹರ ರಾನಡೆ, ಸದಾನಂದ ಮರಾಠೆ,ಸುಗುಣಾ ಗಣೇಶ ಜೋಶಿ ಇವರಿಗೆ ಈ ಸಂದರ್ಭದಲ್ಲಿ ಶ್ರದ್ಧಾಂಜಲಿ ಸಲ್ಲಿಸಲಾಯಿತು. ಭಜಕರಿಗಾಗಿ ಏರ್ಪಡಿಸಿದ ಸ್ಪರ್ಧೆಗಳಲ್ಲಿ ವಿಜೇತರಾದವರಿಗೆ ಬಹುಮಾನಗಳನ್ನು ಈ ಸಮಯದಲ್ಲಿ ವಿತರಿಸಲಾಯಿತು. ಸಭಾ ಕಾರ್ಯಕ್ರಮದ ಮೊದಲು ಉಡುಪಿಯ ಶ್ರೀಮತಿ ಮತ್ತು ಶ್ರೀ ಹೃಷಿಕೇಶ ಮೆಹೆಂದಳೆ ಇವರ ಮಗಳಾದ ವಿದುಷಿ ಕುಮಾರಿ ಅದಿತಿ ಇವರಿಂದ ಭರತನಾಟ್ಯ ಕಾರ್ಯಕ್ರಮ ನಡೆಯಿತು ಶ್ರೀ ಶ್ರೀಧರ ಲೋಂಢೆ ಮತ್ತು ಶ್ರೀ ಅನಂತ ಚಿಪ್ಳೂಣ್ಕರ್ ಇವರ ವೇದಘೋಷದೊಂದಿಗೆ ಕಾರ್ಯಕ್ರಮ ಪ್ರಾರಂಭವಾಯಿತು ಆಡಳಿತ ಮಂಡಳಿಯ ಕಾರ್ಯದರ್ಶಿ ಶ್ರೀ ಮಹಾದೇವ ಕರ್ಮರ್ಕರ್ ಅತಿಥಿಗಳನ್ನು ಸ್ವಾಗತಿಸಿದರು ಶ್ರೀ ಸುಬ್ರಾಯ ಲೋಂಢೆ ವಿವಿಧ ಕ್ಷೇತ್ರಗಳ ಸಾಧಕರನ್ನು ಪರಿಚಯಿಸಿದರು.
ಶ್ರೀಮತಿ ವಂದನಾ ಗೋರೆ ಬಹುಮಾನ ವಿಜೇತರ ಪಟ್ಟಿಯನ್ನು ವಾಚಿಸಿದರು. ಗಜಾನನ ಮರಾಠೆ ಕಾರ್ಯಕ್ರಮ ನಿರ್ವಹಿಸಿ ವಂದನಾರ್ಪಣೆಗೈದರು.